ලෝක කුසලානය ඉස්සූ පිටිය මැද්දේ මන්දනාට විවාහ යෝජනාවක්..

 

සම්පූර්ණ පුවත කියවන්න පහත "පුවත කියවන්න" බොත්තම ඔබන්න..

ඉන්දියානු සංගීතඥයකු සහ සිනමා නිර්මාණකරුවකු වන පලාෂ් මුචාල් විසින් ක්‍රිකට් ක්‍රීඩිකා ස්ම්‍රිති මන්දනා පුදුම කරවමින් ලෝක කුසලාන ක්‍රීඩාංගනය මැදදී විවාහ යෝජනාවක් කර තිබෙනවා.

ක්‍රීඩාලෝලීන්ගේත් සිනමාලෝලීන්ගෙත් ආකර්ෂණය දිනාගත් මෙම සිදුවීම වූයේ, මෑතකදී ඇය කාන්තා ලෝක කුසලානය එසවූ ක්‍රීඩාංගණයේ දීම වීම විශේෂත්වයක්.

පලාෂ් විසින් මෙම පිළිබඳ වීඩියෝවක් සමාජ මාධ්‍ය ජාල ඔස්සේ බෙදාගෙන තිබුණා.

නවි මුම්බායි හි DY පටිල් ක්‍රීඩාංගණය, මන්දනාට අමතක නොවන මතකයක් එක් කළ තැනක්.

මීට මාසයකට පෙර මෙම ක්‍රීඩාංගණයේදී ඇය කාන්තා ලෝක කුසලාන කුසලානය ජයග්‍රහණය කළා.

පලාෂ් මුචාල්, මන්දනාගේ ඇස් වසා ක්‍රීඩාංගණයේ මැදට ඇයව කැඳවාගෙන ගොස් ඇස් වසා තිබූ වෙළුම ඉවත් කළ පසු, ඔහු මුද්දක් අතැතිව දණින් වැටී යෝජනාව කරන වීඩියෝව මුචාල් සමාජ ජාලයේ බෙදාගෙන තිබුණා.
මුලින් තත්පරයකට විස්මයට පත් වූ මන්දනා, පසුව සිනාසෙමින් ඔහුට එකඟතාවය (yes) කී විට, අවට සැඟවී සිටි යහළු යෙහෙළියන් පිටියට පැමිණියා.

පසුව මෙම යුවළගේ සමීප මිතුරන් සහ පලාෂ්ගේ සහෝදරිය වන ගායිකා පාලක් මුචාල් ද ඔවුන් සමඟ ප්‍රීති ඝෝෂා කරමින් සැමරීම සඳහා පිටිය මැද සතුටින් නර්තනයේ යෙදෙනු දක්නට ලැබුණා.

මන්දනාට සහ පලාෂ් වසර ගණනාවක් තිස්සේ පෙම්වතුන්.

ඔවුන් තම සම්බන්ධතාවය බොහෝ දුරට පුද්ගලිකව තබාගෙන සිටියා.

මේ මස මුලදී පැවති ලෝක කුසලාන අවසන් තරගයේදී පලාෂ්, මන්දනාට සහ ඉන්දීය කණ්ඩායමට සහයෝගය දක්වමින් අසුන් අතර සිටිනු දක්නට ලැබුණා.