ශ්‍රී ලංකා සහ බංග්ලාදේශ එක්දින තරගාවලියේ පළමු තරගය අදයි..

 

සම්පූර්ණ පුවත කියවන්න පහත "පුවත කියවන්න" බොත්තම ඔබන්න..

2019 වසරින් එනම් වසර 06කට පසු එක්දින තරගාවලියක් සදහා කණ්ඩායම් දෙක මෙරටදී හමුවන පළමු අවස්ථාව මෙය වනවා.

අවසන් වරට මෙරටදී පැවති තරග 03කින් සමන්විත එක්දින තරගාවලිය 3ට 0ක් ලෙස ජයගනු ලැබුවේ ශ්‍රී ලංකා කණ්ඩායමයි.

එහෙත් 2019 වසරින් පසු අවස්ථා දෙකකදී ශ්‍රී ලංකා පිල බංග්ලාදේශය සංචාරය කර ඇති අතර තරග 03කින් යුත් එම තරගාවලි දෙකේදීම ඔවුන් හමුවේ තරග 02ට 01ක් ලෙස පරාජය වීමට ශ්‍රී ලංකා පිලට සිදු වුණා.

ශ්‍රී ලංකා පිල සහ බංග්ලාදේශය අවස්ථා 57කදී එකිනෙකා හමුවී ඇති අතර එහිදී අවස්ථා 43ක් ජයගත්තේ ශ්‍රී ලංකාවයි.

අවස්ථා 12ක ජය බංග්ලාදේශයට හිමි වුණා.

මේ අතර අද තරගය පිළිබද ඊයේ පැවති ප්‍රවෘත්ති සාකච්ඡාවේදී අදහස් දැක්වූ ශ්‍රී ලංකා එක්දින පිලේ නායක චරිත් අසලංක කියා සිටියේ කිසිදු පීඩනයක් නොමැතිව මෙම තරගාවලියට පිවිසීමට තමන් ඇතුලු කණ්ඩායම සූදානම් බවයි.

ටෙස්ට් තරගාවලියේදී ආබාධයට ලක් වූ මිලාන් රත්නායක අද පැවැත්වෙන තරගයට බොහෝදුරට ක්‍රීඩා කරනු ඇති බවයි ඔහු කියා සිටියේ.